Zo dom as n boekou
Ain peerd dai ging ains aan de wandel,
en dòcht; “wat zai ik doar veur handel?”
Dou hai wat dichterbie komen was…
verdikke, n peerd mit n swaart-widde jas!
Dit ging zien peerdeverstand te boven,
dat jaske wol hai wel ais even roven!
Mor dou hai gain vat op t jaske kreeg,
kreeg hai van t aander daaier n veeg!
Ik wil gain aander daaier aan mien lief,
dát staait haildaal boeten kief.
Mán, hol doe t bie dien oardgenoten,
en blief van mie òf mit dien peerdepoten!