Ie kinnen der mit lezen en schrieven
k Bin guster noar n feessie west.
Dat bevuil mie hatstikke best.
Der was smoakeleke draank genog,
woarvan elkenain zoepen mog.
Ook aale soorten sneks en gebak.
Mien moage gong hailemoal uut zien dak.
Mor … doarnoa loater de volgende dag
toun ik nog gappend op bère lag
vuilde t zoer in slokdaarm en om tonge.
Dat duurde n poar doage. Tjonge jonge.
n Bitter gevuil, t dee sikkom zeer.
Dokter zee: “Joe hebben zeubranden meneer!”
Geboren: 1951 in Veendam
Woont in: Wedde
Ik proat mien haile leven grunnings, moar schrieven kin ik t nait goud. Ik schrief t teveul zo as ik het zeg. Toch perbaaier ik wel es wat met hulp van dizze en dij. Ik mok ‘riemseltjes’ as tiedverdrief. ‘Gedichten’ vin ik n te groot woord. Mor ik heb der oardeghaid aan. Maistal in t Nederlands, moar ook wel in t Grunnegs.
Ik hol nait van swoarwichtig gedou. Veurwoarde aine is veur mie dat het mot riemen. Dat litteraire gedou zegt mie niks.
