Woorden
Woorden, ze binnen voak zomor zègd,
ook aal hol je ze nait aaltied tegen,
wait ze toch te wikken en te wegen,
want oetwaarken vaalt of goud of slecht.
Woorden, je kinnen der veul mit zeggen,
dat n wereld veur joe open gaait,
omreden n aander joe verstaait
en zo grenzen kinnen verleggen.
Woorden vanoet joen haart,
doar is woarlieks niks op tegen
en dut goud bie laifde en bie smaart.
Gevuilens huif je nait te vrezen,
want elk mens is genegen,
dat oprechte woorden worden prezen.