Wonderspaigel
Grode spaigel haangt al joaren
braidoet boven stainen bozzem
bovenaan ien reliëf tafreel
van muzekant en zes daanzers
stief opsloten ien holten liest
veur aiveg verstaind ien beelden
mor soavends as t schemer wordt
kommen figuurkes tot leven
heur k citer den zaacht speulen
zai k daansers smui bewegen
op vrij ritme van dij meziek
en zulf dou k mit zo as t ien spaigel liekt