Ie kinnen der mit lezen en schrieven
Over de velden ruust de zudenwind,
t strikt laangs dien gezicht en verteld verhoalen,
Vaok heur je t laachen van n kind,
dai heurt over laifde in aale toalen,
De bloaden van de peppel ruzzeln zacht,
Doe slutst dien ogen,
gedachten dwoalen noar t verleden,
den dreumst vot, hail onverwacht,
Soms wilst dat dai dreum weerom kwam in t heden,
mor niks in t leven is zoas verwacht.
Geboren: 21-04-1948
Woont in: Winschoot
Geboren in de gemainte Gasselte en heb tot mien 21ste woont in de ‘mond’ (gasselternijeveenschemond). Heb dou n poar joar op knoal woont en bin noa 6 joar verhoesd noar t mooie Westerlai, woar ik 18 joar mit veul plezaaier woont heb. Nou woon k alweer 14 joar in Winschoot.
Ik heb de leste tied, wat gedichten van mien schoonvoader, vanuut t ABN overzet in de Grunneger toal. Dizze gedichten binnen in de joaren 80-90 deur mien schoonvoader schreven, dou hai in n stoere periode van zien leven zat, en ik von t zunde om dit verloren te loaten goan.
t Lieken mie prachtege overdenkingen en vertelsels tou dai veur minsen in stoere tieden n goie steun weden kinnen, en doarom heb ik ze mor omtoald.
Ik hoop mit dizze gedichten en overdenkingen de minsen n haart onder de raime te steken, want dat was ook de bedoulen van mien schoonvoader.
