Wat is wies
Ze zee dat ze t nait begreep,
dat van dij wieze moagden,
zai von t mor dikke egoïsten,
was dit nou wat God wol?
Zai kwam met n veul beter plan,
de dwoazen konnen toch gewoon
metlopen ien heur licht?
Ik von t wel getugen
van wies en helder ienzicht.
Woar bleef ik nou,
haar ik gain uutleg kloar?
Ik kende dit verhoal toch ook zo goud,
woar bleef mien wieshoid nou zo gaauw,
ik was verrast deur wat ze zee
over dat metgoan met dat licht van wiezen,
toen ik dat uutsprak zag ik dat ze stroalde,
geef Heer dat dát nou juust t mainst uuthoalde.
