Wat is eerdappels kraben

Zere kneien, stieve bainen,
Lamme rogge, geld verdainen.

Twei panden veur, aal mor deur,
Nait op hakken zitten, gain gezeur.

Gloeiende zunne, zwaiten as ‘n peerd,
Zaand in d’ogen, niks aans leerd.

Nait achterom kieken, doar zitten ze nait,
Griep mor tou, zai bieten die nait.

‘t Loof ofscheuren, handen onder zorre,
Arregat, ‘k greep op ‘n porre.

Nadde kröze, straks mor schoelen,
Modderboudel, woater in de koelen.

Dreie in de kore, twei körven der bovenop,
En mor kroden, bie dobbe bist doodop.

Lange aarms, grode ogen,
rogge krom gebogen.

‘t Haile haarfst deur schrapen,
Dat is eerdappels kraben.