Ie kinnen der mit lezen en schrieven
as Kreuze
wegzakt in t wotter!
k Heb buusdouk
al n zetje aan d’neuze …
Mor eerst
kommen 99 en 100 nog.
En och …
doar zellen toch nog wel
lu wezen,
dij t van Henk en Bert
overnemen willen?
De tied dringt wel,
doar he-je geliek!
En tot nou
liekt t nog nait best …
Mor laifhebbers wachten voak
tot t allerlest!
Den zain we weer!
Woont in Scheemde.
“k Bin in 1937 geboren in Nietap, doar heb k toch wel mien mooiste herinnerns aan: oorlogstied en bevraaiden! (‘n Knot(s) van n vraauw’, Kreuze 19).
En … speulen in t Noatuurschoon en bie t Laikstermeer. Wat n weelde!
In achtenvatteg verhoesd noar Scheemde, omreden dat mien voar doar de drokkerij van Doevendans kocht haar. t Kon hoast nait aans … in ’53 bie voar aan t waark. Drokker worden, dus. Was ook wel n hail schiere tied. Op legere schoule al laifhebber van schrieven. n Bult fantasie … k Wol nait aan t kompjoetern, mor dou k van mien zeun zien ‘olle’ kreeg, kreeg k de smoak van t schrieven weer te pakken.
k Heb joaren mitdoan aan de Grunneger schriefwedstried in t Oldambt en was de Joop Zoetemelk onder de dailnemers … mainst twijde priezen! k Mag laiver dialect schrieven as lezen … mor dat ligt aan miezulven. Ede Stoal is en blift wel mien favoriete zanger. De tuutjefloiters, Alex Vissering en Wia Buze heur k ook geern.”
Priezen: Verschaaiden 2e priezen bie Oldambtster schriefwedstrieden, 2e pries landelke schriefwedstried van de Zonnebloem mit t verhoal ‘Kleurriek’
