t Oale nije licht
Hoarig en krom kom ve
weer oet onze holen
van duuster en stooklucht
woar wie ons verscholen
Ons neuzen in de wind
mit nog wat touknepen ogen
zain ve t eerste veujoarswild
en span ve onze bogen
d Eerste jacht wil nog nich
winter muik ons stram en stief
Mor t dut ons nich veul
zunne gef ja waarmte aan t lief
In t gres leg ve ons dele
luustern ve noar t akkelaaienflòit
Mit verwondern zoeg ve alles op
t liekt of de wereld net bestaait
…
Hemmelt en schoren goa ve op weg
Waark wacht, tied wodt zöcht
flitsen mit traain deur t landschop
haand op laptop bekiek ve t nije löcht
(3 april 2007)