Swaarde liester
Hoog bovenop schosstain
ien t zwaart jak
heerst ol generoal
Hai ragt en reert
mor d’aander
as vogel maint
hom net zo vrij
Hou rij
mit houveul sjars
dut turdus merula
wat mot: pink pink!
Tsjoek tsjink tsjink tsjink!
t Haard metoal
van t fluiten snidt
mensken stroal deur t lief.
Brengt gonnent
n klaimse kloet veur haals
joa alderdeegs
n proekseltje mystiek
Hurre, hurre!
elke toon dij klinkt
zo jonk en flonk
dat dichter
Och!
En godsgelovege
Och-here!
der van dinkt
Mor hoog bovenop schosstain
zit ol generoal
ien t pikzwaart jak
en ragt en reert en hizzebist.
Strebante streuper
pikjet wat op t dak
ien t rond, lustert en
holdt akkroat ol generoal
ien t zicht. Dij ragt:
Hé doe! Verrekte slaif!
Geef acht!
Kom as duurze
hier op dizze schosstain aan
en ik schiet die
de baaide ogen dicht!