Stroom
Dou der stroom kwam
veranderde laand
kwam licht ien donkern
welvoart mooi op gaang
Stroom het veul gouds brocht
mit òf en tou wat mins
in t aalgemain nomen
brocht t elkenain wel winst
Stroom zol der heer oet wind
vernailers kregen heur kaans
meulens overaal deel kwakt
gaf ròpse graaiers goud gewin
Oetkiek van schiere Grunnen,
van polders, moaren, diek en wad,
deur lèlke meulens bedörven,
verwekte aalbegeern n ramp
Laifhebbers van Grunneger laand
dij schraiven, kinnen zuk nait weren
graaiers genottern van windmeulens
ook bedaarvende stroom bringt ja geld.
