Staarke tekst (3)
Slietoazie aan t benul
Doe zitst hier wel mor bist der nait,
gedachten in t verleden
Dien haart dat kin nog joaren mit,
mor t benul is zwoar versleten
Ik kom hier voak al kinst mie nait
En altied vroagst hou of dat ik hait
Of wie mekoar al eerder tegenkwamen
Dien bruier is hier lèst ook wèst,
hai het hier uren zeten
Mor dien bruier is al joaren dood
en dat bist den weer vergeten
![](https://dideldom.nu/wp-content/uploads/2023/07/afbeelding-199.png)
Meer zèggen mit minder woorden, dat is
echt Grunnegs,
Bovenstoande tekst is van Bert Hadders en
kwam ik tegen in zien nije album
“De Coóperoazie”
Dizze tekst is zo’n echt Grunnegse tekst,
woarbie mit waaineg woorden zo persies
weergeven wordt wat de schriever/ zanger
vertèllen wil, dat t de lezer/ luusteroar as t
woare onder de hoed kropt.
Knap doan Bert. Nog schiere meziek ook!
Ik bin benijd noar de rest van de cd.