Sonnet 2: Omstoan leren

· Jager, Meindert

Op nijjoarsmörgen gong k bie mie zulms te roade
en k vruig mie òf of t nou gebeurd wezen zol
mit aal rebulie, woar k in t oljoar op schol
en niks aans brocht as ongeluk en schoade.
En of k as mins dij zok in weelde boadde
en nooit docht aan aandern, nou mit handen vol
aan heur dij niks hebben oetdailen wol…
van haarten van zulms en nait bloots oet genoade.

Den mô k veurvast wel even omstoan leren,
den mot er vree kommen en gain stried,
den mô k nait laanger heuren willen bie de aalbegeren
en zeggen: “ ’t Is aal van mie, ik wil niks kwiet!”
Den zek ook nou de stroat nait meer begleren
en doad bie woord vougen: vuurwaarkresten aan zied!

Gedichten

Meer van t zulfde:

Mit dit ‘verhoal’ heb ik twijde pries wonnen in de Knoalster Schriefwedstried 2007, in de categorie 18 joar en older.
Der wazzen 22 verhoalen inzonden.
Dij leeftied van 18 joar heb k al roemschoots achter mie loaten.
k Wil nait van mie zulf snaren, doarom geef k weer wat in juryrepport staait:

22! Meer as veureg joar en doar waren wie bliede mit en t was nog goud te lezen ook. En din mout jury drije aanwiezen as de beste; goa der mor aanstoan. Toch zat jury gaauw op ain liene. (…)
Twijde pries ‘Van n soeterge noar n schone locht’.
Je komen t wel es tegen op bruloften en partijen, n verske op alfabet. Niks biezunders dus zol je denken. Mor as je dit lezen din goa je der toch wat genuanceerder over denken. t Is in noavolgen van t verhoal van Al Gore slim actueel. Je worden op n originele wieze mit de neuze op soeterege faiten drukt mit prachtege grunneger woorden dij wie al sikkom vergeten waren. n Wieze les dij wie in de buutse steken kinnen. Nait din?

Sonnet 2: Omstoan leren

Meer van t zulfde:

Sonnet 1: Op biesterboane

Sonnet 3: Van stiep valen

Van n soeterge noar n schone locht (schonen van a tot z)

E-mail bie wat nijs?