Schommelstoul
Op zolder bie ons opoe
Doar ston n hail ol stoul
En as je der in zitten gingen
Den gaf dat n roar gevuil
Dai stoule dai bewoog
Noar veur en den noar achter
t Was ja ook een schommelstoul
Hail haard of juust wat zachter
Mien opa zat der altied in
Stief van de rummetiek
Veurzichteg ging hai op en deel
Mit in zien mondhouk een piep
Ik zat den bie hom op knij
Hai was mien staarke peerd
Mor dou inain was stoule leeg
Mien opa was nou bie oom Geert
Ik stoa op zolder bie mien opoe
En dai stoul staait in n houk
Verrek zag ik hom nou bewegen?
Kin nait, t is een dichtsloagen bouk