Ie kinnen der mit lezen en schrieven
(1974-2001)
Aine mout hond
nog te vreten geven
dij op drij poten
hampelt deur snij.
Der stoft n traain veurbie,
wit en stief
as n loaken
aan waaskeliene.
Moeke runt noar boeten tou.
Slagbomen kroepen omhoog.
Bloud in snij.
t Is wachten op mörn. t Haart
stöttert leeg as n lekkende dakgeude.
Veujoar.
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.
