Rötterij
Twij popi-politici
hemmen putdeksels
van t natsjenoale riool
open ropt
en wonder boven wonder
kroepen der nou
apmoal dikke rötten oet omhoog
dij rötten
heuren ie ze nait roupen?
hemmen dikke stevels aan
heuren ie ze nait stampen?
aandern gaalpen
dat wie monnen
begrip opbrengen
veur dizze broene rötten
veur heur angst
en zörg om moatschappij
en dat wie heur nait
mit nazi’s vergelieken magen
want oorlogstied
is te laang leden