Reurlse dreum
Waarme wiend waait
kroep onner schaarm
doar zun nait schient
en dreum wat vot ien tied
liek n gruin loaken ligt veld
wat wiederop heu kloar op laand
lekkere roek sweeft ien lucht
dut mie bot aan vrouger denken
fiets deur zummerse bozzen
bekiek ter wat trötse kestailen
schait ter wat schiere ploatjes
van olle glorie ien holtenstain
kroep onner n parresol op terras
bie Haaikaamp’s pankoukerij
etendrinken veur nije heren en
heur aan hou of t hier ais was
snachts ien mien sloap dreum k
bin k beron ien vrouger tied
mor as k wakker wordt, is
wat ais was vannijs veurbie.