Raandstad
Hier binnen gain raanden meer aan stad,
bloots deur beton en stain begrensde hemel.
Dörpen aan nkander plakt, n binnen zunder boeten,
gain grond onner mien vouten.
Enkeld n òfdwongen zeum van zaand,
doar woar zee begunt,
doar vuil k mie wieder vaaileg
bie oeverlooshaid van wotter en licht.
Is der nog laand woar k opgoan kin
in grinslooshaid van wiend en licht en roemte,
zó wied en open dat laifde mie berieken kin?
Mit dörpkes, op heur stee en klaain,
woar zörgen nog te doun binnen?
Wat dut n mins mit aal dij roemte,
en wat dut roemte mit n mins?
