President Hollande komdaaierde: lainwoorden trug!
Van 2013 tot 2015 is ien Nederland t 200-joareg bestoan vierd van t Keunenkriek der Nederlanden. Noadat der n ind kommen waas aan Fraanze overheersen wer t laand oetroupen tot Keunenkriek der Nederlanden, onder keduksie van Willem I.
Mor honderd joar loader zol Fraanze president Hollande en zien konzorten komdaaiern, dat Olland ale Fraanse lainwoorden véúr 2020 kompleet retoerneren of verrinten mot. Schrik en alteroatsie! Want doar waas gain woord Fraans bie!
Hai, hai! t Is mor goud dat Hollande nait wis dat t Grunneger toalkontraain óók n bult Fraanze lainwoorden het – veul woorden dij begunnen op ko – aans haar e van Grunnegers apaart óók nog konterbuutsie oftokken wild en doar waas vanzulf n bult kaskenoade, konsternoatie en kommootsies van kommen, want dij woorden willen Grunnegers der geern rinteloos ien holden!
