Ozzen en radazzen
(noar n foabel van Aesopus)
n Swoarbeloaden woagen wer deur n span ozzen deur bragel van n ol loan sleept. Azzen van roaden kroakten en piepten der over.
Dou t aal slimmer wer, keek ain van ozzen achterom en zee: ‘Woarom moaken ie zo’n bult lewaai mit joen gekroak en gepiep. Wie doun aal t waark ja en doarom zollen nait ie mor wie der om weg goan mouten.’
![](https://dideldom.nu/wp-content/uploads/2023/11/afbeelding-189.png)
Ain dij t stoerst het, heur ie voak t minst.