Ons fort

· Noues de, Pim

Oosterschelde, 1953
ons hoes n eulifant ien ondaip wotter.

Invoasie kwoaie mutanten
wie swaartgekled, verdelgers onder t dekbèr.

Verschruide grond, sore akkers
ons groanschuren veur zeuven joar vuld.

Swaarmen zaiktekimmen, pandemische proporties
steriel ons nust, bacillen zollen nait duren

Aiweg duuster ien dikke dook
ons bèrlampke onoetputtelk helder.

Wat ik zeggen wil: baauw mit mie ons fort tegen wereld
van nustloakens en gaailverlaifde verlangens

• Facebook
• X
• LinkedIn
• Email
• Print

Gedichten

Meer van t zulfde:

• Stadia

• Kruuslam

• Polder is mien toneel

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.