Ommekeer

Zug dat wichtje doar toch zitten
Wegkroept in baangeghaid en verdrait
Hou kinnen ze heur nou zo achterloaten
Dat kin toch aaldoal nait

Vertel mie moar wat er is
Kinst bie mie alles kwiet
Ik luuster zunder zulfwait
En heb veur die alle tied

As dien haart lucht is
En de troanen binnen op
Lopen wie eem deur toene
Mit n lege kop

Zai diezulf as n Rhododendron
Staark en veerkrachtig
Mooi gruin mit bloum in knop
Alderduvelst uniek en prachtig

Ik zai in ainen n briljant wichtje
Met n glimlaag om snoet
t Lopt mie deur
En koier as een ander mins de toene weer oet

Baseerd op n beeld in de Notoarestoen in Ainrom.