Om mie tou is aal

· Hartman, Giny

Om mie tou is aal
wat ik zai zo vertraauwd
k zit der mit hail fien
sponnen droadjes aan vast
aal dij dingeraiskes
klaine verzoamelinkjes
deur de joaren hìn opbaauwd

En toch
vuil ik mie op raais zo lös
van aal wat achter blift
gainain wait wél ik bin
woar ik goa, vrij van aal
wat aan mie trekken wil
midden ien wereld stoa,

Mitdraaien, eerde as spil
dat kìn omdat allain
ik wait woarhìn, en
zo aldernoaste bliede bin
dat aan t end open aarms
mie wachten en ik weer
nije droadjes spinnen kìn

• Facebook
• LinkedIn
• Email
• Print

Gedichten

Meer van t zulfde:

• Domme pech

• Verstreud

• Old wiefke

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.