Old Grunnegs alphabet van omtrent 1947
A
is d’ Akkedemie, dij opent de stoet,
doar kroamen prefesders hun wiesigheid oet
B
is de Beurs, waar die Kerel op stait,
dij doarom die “Kerel van de Korenbeurs” haait
C
is Catz bitter en Catz-levertroan,
dat mout je ais pruiven doar loat je alles veur stoan
D
is ‘t Doofstommenhoes, doar leert jonk en old
Zwiegen is zulver, maar spreken da’s gold
E
is ‘t Elektriken stroatlicht in stad,
‘k wil er wel wat van zeggen, maar ‘k zol nait wachten wat
F
is Fongers zien fietsenfabriek, doar moaken
ze fietsen, ze hebben geliek
G
is de Gezinsbode, wel kent dei kraant nait,
is net zo bekend as ‘t Grunnens laid,
H
is de Harmonie dei grote Societeit doar’s allain
drokte bie gelegenhaid
I
is de iesboan veur wintervermoak
mor summers lopen de koien d’r voak
J
is ‘n Jan Plezier om oet rieden te goan
mit kouke en ranja, ‘n haile karavaoan
K
is Kloassens Kouke, echte Grunneger heur,
mit krenten, secoade of gember d’r deur
L
is ‘t Leger dei binnen overal
ze kennen alles gebruken al is ‘t nog zo mal
M
dat binnen Mollebonen, dij moaken ze in stad
en wie Grönnegers hebben die noam ook aait had
N
dat is ‘t Naisblad van ‘t Noorden waarop je je abonneert
mor den mot je wel goed lezen hebben leert
O
is ‘t Oaldhed ‘n museum daar bin je te gast
goa d’r wel jonk hen, aans hollen ze je vast
P
is ‘t Plantsoen da’s overdag echt ‘n pracht
moar in ‘t donker gevaarlek, dus nait hengoan bie nacht
Q
is naait Grönnings dus wat mot ik er met
dus niks van te zeggen gooi moar in mien pet!
R
is de renboan door lopen de peerden zuk dood
mor binnen ze loos gooien ze hun bierieders in sloot
S
dat is ‘t Slachthoes, boeten Staintilpoort
doar worden de baisten op menslieke wieze vermoord
T
is de Toren, of Martini of lange Jan,
het peerd op zien kop geft de windrichting an.
U
dat is ‘t uurwaark mit Martinitoren muziek
doar zet elk zien horloge of klok mit geliek
V
is de Vischmaarkt, moar dan allennig in noam
want de ainige visch ligt er mit kermis in ‘n kroam
W
binnen de Woagens, stinkig en geel van kleur
dij roek je in de verte al: Grönneger odeur
XY
Wat mot je doar nou mit in stad,
as je wat in ‘t zin komt moak je joezulf den mor wat
Z
Dat is t Zaikenhoes, wel hail netjes baauwt
mor om er te liggen dat is roar benaauwd
Optaikend deur G de Grooth-Speelman, opstuurd deur heur dochter Cora
