Ol Laiwe
(Noar n foabel van Aesopus)
Laiwe was old en gammel. Hai was nait veul maans meer en haar ter al sikkom tou doan.
Wild swien kwam der over tou en gaf laiwe verniend n hoal mit zien slagtaanden, omreden laiwe haar hom vrouger ais wat misdoan.
n Zetje loater kwam bol der over tou en roamde laiwe aldernoarst mit zien hoorns.
Dou ezel zaag dat gevoarleke baist zunder neude* benoaderd worden kon, laip e op laiwe òf, keerde hom om en batste laiwe mit zien achterpoten der ain veur.
Staarvende laiwe stìnde en zee: “Da’k pien lieden mout deur staarke moudege baisten kon k verdroagen, mor dat deur dij stomme ezel ondergoan te mouten, moakt t staarven n moal zo slim.”
![](https://dideldom.nu/wp-content/uploads/2023/09/afbeelding-82.png)
- neude = risico