Ofschaaid

t Verstand zegt: t is beter zo,
gain piene meer en ook gain strieden.
Nait wachten op n nije dag,
van uren dij zachtjes aan verglieden.
t Gevuil zegt: ik mis die zo,
dij lege stoul, dij lege ploats.
Dingen dij ons zo aigen waren
dien handen, dien stem of gewoon wat proats.
t Verstand zegt: t is beter zo,
as de zun dij hail langzoam ondergaait.
Want as leven allenneg lieden is,
is der aans niks as stil verdrait.
t Gevuil zegt: ik mis die zo,
doe heurdest der zo bie.
Dit zeer zel meschain overgoan,
mor doe leefst veur aaltied deur in mie.