Ofschaaid

Doe bist nait vot: ik heur die nog,
Ik heur dien laive stem,
Dij zegt tegen mie
“Ik hol van die.
‘k Bin wies mit die”.
Toch heb ‘k verdrait,
Want ‘k zai die nait.

Doe bist nait vot: ik vuil die nog,
Ik vuil dien waarme haand,
Dien waarme haand op rog.
Dij streelt mie zaacht.
Toch heb ‘k verdrait,
Want ‘k zai die nait.

Bist doe toch vot?
‘k Heur die nait meer,
‘k Vuil die nait meer.
‘t Is om mie stil en kold.
Doe komst nait weer…

Nou ik dat wait,
Heb ‘k daip verdrait
En reer…