Nij licht

· Nienhuis, Ingeborg

t Loate mörgenlicht viel vol verwiet op de vlèzzen. Zai verboasde heur over de bevrumdende houveulhaid dervan. Nait van ain oavend, reconstrueerde zai, mor van ain dag. Juust dat veraargerde meer as dat t vergoulekte. Benaauwdheid woasemde oet heur, terwiel dat zai n bosschoppenpuut nam en vlèzzen derien smeet. Wat eerder klonk als t laivege geklingel van n dreumenvanger, kwam heur nou veur as infernoal örgelspel. Zai wer mizzelk van heur aigen onvermogen. Ien heur soeterge sloapklaaier stapte zai t terras op en mikte tas ien container. t Miggelde. Zai ston veur n nij begun.

• Facebook
• X
• LinkedIn
• Email
• Print

Verhoalen

Meer van t zulfde:

• Hoast gain auto’s

• Poëzieles

• Verschil

Ingeborg Nienhuis (1981) Schrift verhoalen in de Grunneger toal en in t Ollands. Heur Grunnegstoalegs debuut Schoem of De Voarende Zoltkamper (t Grunneger Bouk standoardtoal, 2020) wur nomineerd veur Beste Grunneger Bouk, en ook heur Ollandse debuut Randfiguren (Ambilicious, 2021) wur goud ontvangen. In 2022 wint de schriefster de Nedersaksische schriefwedstried in Drenthe. Begun 2023 staait Hoeze Toenbaauw (Uitgeverij Vliedorp), t twijde Grunnegstoalege bouk van Ingeborg, op de shortlist van Dagblad van het Noorden Streektoalpriezen over t joar 2022.