Ie kinnen der mit lezen en schrieven
Graauwgrieze wolkenluchten.
Hoagel, störm en striemende regen.
Housten, stìnnen, poesten en zuchten.
k Kin der ja sikkom nait meer tegen.
Nek is mie stief en vouten doun mie zeer.
De ogen braanden mie ien de kop.
k Denk dat k hom eerst tot t veurjoar smeer.
Meschain liekt ter haalf meert wat beter op.
Geboren: 21 december 1939 in Ten Post
Woont in: Stad
Schrift al: joaren…
k Heb n oplaiden had op kunstakkedemie Minerva en joaren waarkt as ontwaarper bie (toun nog) Wolters-Noordhoff. Ook nog zo’n zes joar les geven op kommersjele schoul en nou al weer n tiedje AOWer. k Heb altied taiknt en schilderd, beeldjes mokt en bie schroalen bezeg west mit gedichtjes en limmeriks. Thoes heb ik n museum op zolder mit van alles en nog wat.
