n Ploatje

Duustre wolken hangen
Zwoar van wotter, boven t landschop
Lucht is draaigend
Zun kroept bezied, wind stekt op

Wat zeekoapen vlaigen
Zulverkleureg, n ènd wiederop
Der komt n stoever
n Dunderslag der bovenop

Felgeel koolzoad
Droepend van regen, op t pladdelaand
Wind jagt t raait in toeze
Laangs slootkaant

Ik kiek om mie tou
Kleuren veraandern, ain en aal gries
k Loop zunder jas, zulfs zunder plu
k Liek wel nait wies

Wat kin mie t verschelen
t Wotter lopt nait wieder as t vèl
Gehail deurwaikt, ervoar k rust
t Bevaalt mie wel

Opais brekt zun deur
Regenboog verschient, pronkend in regen
Mien Grunnegerlaand is n “Ploatje”
Wat n zegen !