n Oaventuurke
n Jentege AOW-er
wol meer ommaans hemmen
as kwoajong haar e doefkes
dij wol e vannijs
kon e ze temmen
timmerman mouk n doevetil
vraauw zol til wel even vaarven willen
twij schiere doefkes kwamen der
haile schiere witten, zoas hai geern wol
eerste weken werden z’opsloten:
mozzen aan hok en buurt wennen
dou man von dat t laank genog duurd haar
het e ze lös loaten
dat was wat
eerst vlogen z’op aigen dak
dou op dij van noaber
even loater n dak wieder
weer n dak wieder
en nog wieder
en wieder
doefkeman zegt nou: doefkes binnen emigreerd