n Nije dag !
Nog soesderg omaarm k de dag
Nou zun weer te schienen staait
k Voul dat deur heur waarme gloud
Kòlle van nacht verdwienen gaait
k Pruif de vrizze mörgendaauw
k Roek rozen, in bonte kleuren
t Moakt begun van dizze dag
Tot n verwonderliek gebeuren
Vogels zingen t hoogste laid
Aibels ket-oet, zunder zörgen
Heurboar in wiede omtrek
n Groutnis aan n swoule mörgen
Veur mie is t weer n nij begun
n Nije mörgen, van n nije dag
Om mien Leven weer te leven
En t vannijs mitmoaken mag !
