n Nij joar …
Is òfsloeten en weer deurgoan
Van weer valen en weer opstoan
Woar ale kansen weer open stoan
Mor ook mit veul vroagen ingoan.
Besef … elk joar kent zien gelok en zien verdrait
Ook aal zain we dat aaltied nait
Mor men is geboren om veur n aander wat te betaiken
En aanvoarden as aandern joe de haand tou raiken.
De cirkel van t leven draait aaltied voort
En elkenain zit vast aan dat koord.
Goa soam t nije joar in, deur dik en dun
Mie dunkt: der is gain beter begun.