Mus en hoas
(noar n foabel van Aesopus)
Oarend haar ais n hoas te pakken kregen ien t veld. Mit zien snoavel en klaauwen reet hai aarme daaier aan stukken veur ogen van n muske, dij slim ontdoan raip: ‘Hoas, woarom gaaistoe der nait zo as n hoas betoamt as n hoas vandeur?’ Naauw haar muske t roupen of der dook n vaalk oet lucht omdeel en greep muske mit zien schaarpe klaauwen. Dou vaalk mit muske omhoog vloog, heurde muske hoas roupen: ‘k Lag mie ja dood om die, mus!’
Ain dij homzulf nait redden kin ien t leven, kin aandern doarover ook min goie road geven!
