Moordenoar

· Molen van der, Nane

(Noar n foabel van Aesopus)

n Kerel haar ain om haals brocht en femilie van vermoorde zat moordenoar noa. Dou kerel bie n revier kwam, zag e n laiwe op waalkaant brullend op hom òfkommen en schietensbenaauwd klom e as de mieter n boom ien.
Mor boven ien boom kwam hom n slang ien muit, dij sisternd op hom of kroop, en vannijs schietensbenaauwd sprong e boom oet wotter van revier ien.
Doar swom n dikke krokedil dij kerel vong en hom levent opvreten dee.
Zo waaigerden eerde, locht en wotter n moordenoar te beschaarmen.

• Facebook
• LinkedIn
• Email
• Print

Verhoalen

Meer van t zulfde:

• Laand van rust

• Mol en zien Moeke

• Hoanebieter en doeven

Geboren op: Paauwen, 24 feberwoarie 1947
Woont in: Leerms
Schrift veur: Dideldom
Kreuze
Toal & Taiken
Leermster Kraantje
Schreef veur: Krödde

“k Bin ien wereld kommen bie Smit’s Batten op
Paauwen en doar op vlakke lege laand van Mid-
den Grunnen opgruid. Vanòf 1967 heb k ien
Leerms touholden. As leroar Ingels, loater as di-
recteur van K.ter Laan Mavo en ploatsvervan-
gend rector van Ommelander College ien n
Daam heb k kost verdaind. Doarnoast bin k dik
datteg joar aan loop west mit harddroavers en lid
west van veul verainens en besturen, o.m. van
St. Kunstgaang Kaampke en Grunneger Toal
Club. Ien 2007 bin k ridder worden mit n lintje van
keunegin. Noa mien oettreden oet onderwies
(2009) bin k mit Grunneger toal aan loop goan.
Veul heb k leerd van Piet Kruizinga, Fré Schrei-
ber en Siemon Reker. k Schrief gedichten en kor-
te verhoalen ien Grunneger toal en korte ver-
hoalen ien Nederlands. k Oefen mit schrieven
deur Foabels van Aesopus om te toalen vanoet
Ingels noar Grunnegers. Ien 2015 bin k ook be-
gonnen mit Grunneger verhoalen vertèllen.”

Bouken: Om Leerms kommen (2000)
Katjewìnst op t Hogelaand (mit Willy
Westerdiek, Kunstgaang Kaampke,
2013)
Gaanzen Gakken en Kikkers Kwakken
op t Hogelaand (Sikkema, 2014)
Bundels: Vekansieverhoalen
(begunstegersgeschenk St. Grunneger
Bouk, 2013)
Mie Heugt (2015)
Boerderij Begeman, dail 3: Ainzoame
Boer (2016)
Priezen: 1e pries Grunneger Diktee RTV Noord
2012
2e pries Grunneger Schriefwedstried
2014
1e pries Hogelaandster Diktee 2015
Twijde pries Pervinzioale Schriefwedstried 2025 mit: Ien roemte verswonnen.