Mien schief van vief!
is vlais van n kou, swien of n peerd
n seege, n hoane, n hoas, eend of patries
is goud eten en mie wel n poar cent weerd
en dat t slecht is, moaken ze mie nait wies
zuvel, zo as yoghurt, vla, keeze en volle melk
dat we vrouger op schoule al kregen
want melk was en is immers goud veur elk
thoes dee k room om mondtou wegvegen
n poar aaier veur n oetsmieter mit spek
of mit n poar plakken bainham
krigt van mie op t schieve den ook n plek
en kiek nait zo nauw noar n gram
fruit as appels, peren, proemen en kaarsen
dou k, wat seizoen brengt eten
zo doun in t natuur zulfs brommels wazen
en nog wel onbespoten, nait vergeten
gruinten, zo as worrels, bonen en praai
woar t grond bemest is mit poep en pizze
eerappels, knollen zowel van zand en klaai
t gruit hierdeur as kool en t helpt wizze !
zo krieg k van t aal den ook genog binnen
t is lekker en goud veur t lief
en dat dou k zo mor nait verzinnen
dit is in grote lienen; mien schief van vief!
