Ie kinnen der mit lezen en schrieven
Doe bist non geboren
en ik zuik noar woorden
um die te zeggen wat k vind
Doe bist non mìns
en vervulst n grotere wìns
din k zeggen kìn laif kind
Doe bist nog mor even
aanwezeg in dit leven
k zel der altied veur die weden
Doe bist t die nait bewust
mor k heb die ook al even kust
umdat ik non al van die hol.
Geboren: 19 jan 1947 in Veenhoezen
Woont in: Stad
Ik bin geboren op in Veenhoezen, n streek tussen Onstwedde en Knoal. Dou k drij was binnen wie noar Deventer goan. Tot mien 16e doar woond en dou noar Stad. Van 1964 tot 2005 bie plietsie in Stad waarkt. In veul functies zo as motorrieder en rechercheur en alles wat doar tussen zit. Ik bin aal sikkom 40 joar traauwd mit n vraauw oet Dordrecht. Dus in hoes altied Ollands proaten. En dat is nait goud veur mien Grunnegs. In 2005 is der boukje van mie oetkommen mit gedichten dai aal de plietsie as underwaarp hemmen. In t Ollands. Dou t boukje der was bin ik wieder goan in t Grunnegs. Ik leuf dat dat aalgedureg wat beter gaait.
