Mensk wikt
Elk mensk kin waiten, hou of t zit,
is in broeklaain geven, noeit as bezit,
mor hai vertraauwt meer op aigen kracht,
as dat e t aal van Hom verwacht.
n Mensk mout nait zo aigenwies wezen.
t Leven zölf zol hom doarvan wel genezen.
t ‘Bouk’, dat sprekt ain dudelke toal
en is bedould veur ons aalmoal.
Elk zöcht zien aigen menaaier en pad,
veur ieder mensk staait der wel wat.
As joe bie t mooiste in joen leven
daank en eer mor aan de Heere geven.
Onze Voader, dij in Hemel troont
en elk mensk kent, dij op eerde woont,
geft ons ok vandoage weer te eten.
Wie willen dat nog wel ains vergeten.
Oet genoa maggen wie blieven bestoan,
aans was t al laank mit dizze wereld doan.
Dink aan joen noaste, din komt t goud,
dat het Jezus ons zölf touvertraauwd.
n ‘Regenboge’ het Hai mensken geven,
veur nou en in toukomst in elkenains leven.
Middeloar ‘Jezus’ kwam t volk te hulp,
dij wonen in n villa, woonwoagen, tent of stulp.
Oet ons zölf kinnen wie ja nait bestoan,
din was t aibels rad mit menskhaid doan.
As wie, dij ‘Grode Regisseur’ doarboven,
doarveur nait aaltied daankboar blieven loven.
