Ie kinnen der mit lezen en schrieven
Mien laifde is vervlogen,
hail plotsklaps oetblust.
Gain haand meer op mienent,
gain mond meer dij mie kust.
Gain lagje in de verte,
gain haand meer deur mien hoar.
Nait meer soamen zitten
en kieken noar mekoar.
Zunder die is alens aans,
zo’n onnuur gemis,
den nou wait k oet ervoarens
hou ainzoam ainzoam is!
Geboren: 1942 in Buunderveen
Woont: op Knoal
Schrift al: sunds 1996 in t Grunnegs
Noa mien ofkeuren as directeur van n grondschoule in 1996 heb k mie as tiedverdrief wat toulegd op t Grunnings. Veur mien klaainkinder heb k n twijtoaleg boukje schreven over n hondje dat oetnaaid was en van aal beleefd. Doarnoa bin k wieder goan mit n boukje over n schouljuvver dij noa n hazzeninfarct in n verleeghoes te laande komt. Heur ervoarens stoan in: “Getwiende droaden”, woar k nog n oetgever veur hoop te vinden.
Nou bin k mien twijde bouk: “Losse flodders” aan t deurplougen om t zoakie wat leesboarder te moaken. t Bestait oet n twintegtaal lösse verhoalen en evenzoveul verskes.
