Kloaverjazzen
Nummertje trekken, stee opzuiken.
Kieken wel der mit speult, of tegen.
Leegste nummer schudt koarten.
Gain besten, bakkeg, plakken aan
hannen vast, wat is troef? Schuppen
en elkenain past, draaikoart: roeten!
Ik kiek noar mien acht koarten, wait
dat ook dizze raaize n hoofdpries
nait veur mie is weglegd. Bedainen,
heur ik noast mie, hest gain troef?
Gefst alles vot, t is gain Sunterkloas!
t Is lukt, n deurmars, even opschrieven!
Poar tel loater goan we nat, viefteg
roem tegen. Tegenstanders groalen,
zit ons nait mit, kriegen ja gain koart!
Mor wacht mor, volgend joar…!
