Kerst- en Nij-joarskoartjes
Koartjes sturen noar hail veul mensen;
femilie, bekenden en wel nait meer.
Sums n ekstroa woordje noast de wensen;
joarlieks gruit de stoapel meer en meer.
Ik zit in mien adressenbestand te turen;
wel mout ik nog aal n koartje sturen.
Ook weer dij oet ver verleden tied,
of schoef ik dij dit moal ais aan zied.
Nee … ik mag gainain vergeten,
ook aal is de baand wat sleten.
Gain mens kin je oversloagen;
n wens, n levenstaiken is gaauw doan.
Mor nog beter as n koartje is n waarme haand;
dat waardeert t allermainst joen medemens;
nait de noam in joen adressenbestand.
Mie dunkt… is dat gain schiere ende-joars-wens?
