Jesenin
Hollywood was net
dreumfebriek
hast doe,
goldkop,
dien Amerikoanse
Sidora al daansend
op t lief in bèrre,
heur haanden in dien hoar.
Goldkoppie.
Zai mit lanteern
in haand boven kop,
ainegste licht in zoal
op toneel van Mariinski theoater,
doe zingend mit metrozen,
helden van Aurora,
dien laifste laidjes
in t eerste duuster
van revoluutsie.
Nooit eerder gluide
zoveul laifde
tussen joe baaiden,
as of zunne opkwam.
Loater ook nait,
doust die ophongst
aan arbaaiders centroale
verwaarming
ieskold.
