Haarfst in 2026
t wordt bie leutjen al eerder duuster
en koller de nachten
k leg mie even dele en luuster
en speul mit mien gedachten
zo heur k geluud n van t nachtleven
en komt de winter al gaauw dichterbie
elk joargetiede vaalt wat te beleven
ook in t haarfst mit veul dieverdoatsie
as bie leutjen de bloaden verkleuren
en de velden worden al weer wat koal
de wilde ganzen zug al loaten heuren
vlaigen over mit veul keboal
mit trekvogels n is t komen en n goan
zwaalfkes binnen begonnen aan hun vlucht
onder de steerns en de moan
vlaigen ze noar wat waarmere lucht
k heur de trekkers op en aan rieden
over t laand van klaai en zaand
t binneveur hun jachtige tieden
en mout alles veur de winter aan t kaant!
