Golden mensen
Dij mensen, heul beschaaiden,
dij met n haart van gold,
ze bennen de Lichtbrengers van nou,
stoan kloar veur jong en old.
Ze vienden t vanzulfsprekend
wat zai veur aanderen doun,
de zörg dij ze elk geven
gewoon, uut goud fersoun.
Dij mensen, heul beschaaiden,
dij met n haart van gold
verdainen wel es n schollerklop,
t is onbetoalboar volk!
Mag ik vandoag es aandacht
veur dizze golden mensen
dij altied gewoon kloarstoan,
aandern zo groag verwennen?
Ik vien joe echte kanjers
as joe der toch nait waren
wel broacht er den vandoag t licht
bie wel t zo donker was?
Doe, laiverd, zo beschaaiden,
doe met n haart van gold,
ik zet die groag es flink ien t licht
omdat ik van die hol.
