Genoatje
n Streep aan d’einder
Vlak, strak en onbevoeld
n Rimpeln deurbrekt vrede
Strakke aainder plots omwoeld
n Zuchtje wind staarkt aan tot broeze
En broeze wordt n bloazend dik
Op zandbaank zit n lutje genoatje
Krigt van t bloazen dikke schrik
Van d’einder komt n golf aanzoezen
Gruiend van klaain noar groter grootst
Ropt golf noar t lutje genoatje
Vot, vot, k wor over dien pad hèn loodst
Genoatje veur de duvel nait baang
Blift stoan en gilt: ‘k goa nait vot’
En mit dat golf hom krachteg wegspuild
Denkt genoatje: wat is dij golf bot
Genoatje tumelt holderdebolder
Doezelk zo in viskermans net
Hai gaait in ain toer deur in gluiende pot
En het aigenwieshaid n punt achter zien leven zet
Soam mit zien onfertuunleke kammeroaden
En brocht viskerman zien vangst aan laand
Vroag ik mie nou òf: zel t lekker wezen
En ligt e kloar veur t pulen bie mie op kraant
