Gedichtjes
Steerns, doezend is moar ain
snij op grond, schiere kleur stroalen
ies in sloten, ook mit steerns
schiereghaid is te zain.
Ontelboar valen zaachte
snijpluzen deel op eerd
meschains vroren troanen
van oans Laimeneer.
Eelk twiegje, eelk tiekje, eelk takje
n wonder van Zien haand.
Aal kleur op waike grond
laang laange loan.
![](https://dideldom.nu/wp-content/uploads/2023/05/afbeelding-92.png)
Schoapen stoan mit kleur
op heur kont, maank gruine gras
wis zo wied, lief vol.
Doar ligt dat maal ding
tukse pool, op boetenbaank
aal groetjederij