Gain ìnd of swet
Wintergaarst staait gelend
sangen eerabbels bluien
maisbloaden wirreln ien wiend
maaid gras swut ien zwad
Meer kikt noar darreln van
heur vool, schudt wies mit kop
raaiger strikt deel ien sloot,
staait op hoge stelten stil
Stoevend over koefkekrullend Schild
speult strakke zaail mit wiend
holdert holdend voar k mit
op weelderg waaiende zummerwiend
Wied vot jakkern witbloumde wolken
Wieder boven mien zummerse laand
ien tied van overdoad en gulle goaven
mit doarboven aalmachtege zummerzun
Loater lig k dreumerg oet te kieken
over gitswaart glinsternd wotter
noar graauw, blaauw, geel en gruinen
van wereld zunner ìnd of swet