Gaanzekuken
Rechtop staait e doar
nij oetkommen gaanzekuken
kikt nijsgiereg om hom tou
hapt noar mugjes
is ongedureg
wil op onnerzuik
wiede wereld ien
hier blieven, gakt moeke gaans
zai vlijt nog ais goud
heur grode vleugels om d’aaier hìn
hoopt dat ter nog meer kukens kommen
duurt wel eefkes veur nije kukenaai oet is
gaanzekuken mout mor geduld hemmen
bliekboar vuilt zai wat bewegen
n zetje loater stekt ter n
leutje snoavel tussen veren oet
dag loater swimt moeke gaans ien graacht
drij haile schiere gaanzekukens
swimmen achter heur aan
Oet: Daaier om hoes en dak op t Hogelaand