Ezel en zien schaar
(noar n foabel van Aesopus)
n Raaizeger huurde ais n ezel mit zien boas der bie om hom noar n ploats wied vot te brengen. Omreden t was hail waarm en zun ston op hoogste punt, lait raaizeger ezel stoppen om oet te rusten en kroop hai zulf onder ezel ien schaar van baist.
Der was mor plak veur ain ien schaar van daaier en raaizeger en boas van ezel kregen hikhakkerij over wel of der ien schaar van ezel zitten mog.
Boas van ezel hil vol dat hai bloots ezel verhuurd haar en baist zien schaar nait. Raaizeger hil vol dat hai mit huren van ezel ook schaar van baist huurd haar. Hikhakkerij wer al gaauw sloagerij en ien tied dat kerels vochten om schaar, ging ezel der van deur.
![](https://dideldom.nu/wp-content/uploads/2023/10/afbeelding-21.png)
Deur roeziemoakerij over biekomstegheden, verlaizen lu voak zoak woarom of t gaait.