Elektronisch Patiëntendossier
Òflopen week kreeg k in de buzze
n braif van doctor Klink.
Dij vruig beleefd om mitwaarken.
Dat leek mie wel wat link.
t Gaait om Persoonsgegevens
dij dokters hebben van mie .
Klink wol dij hail groag hebben.
Ik kin der allain nait bie !!!!
Ik wait nait hou het joe gaait,
mor ik vertraauw dit nait.
Volgens mie duurt het moar evenpies
veur elkenain “ze” wait.
n Mens is van oard nijsgiereg
ik wait dat zulf t best.
Doarom heb ik bezwoar moakt
tegen dizze “doctorstest”
De elektronenkoapers
Dij stoan der al veur kloar
om t dossier te kroaken.
Din hebben ze t veur mekoar,
want der is wat te verdainen
Dat staait zo vast as n poal.
Verzekernsmoatschappijen
goan der mit aan de hoal.
Loat joe nait manip’leren.
Haalsband zit al zo krap.
Vecht veur joen beetje “vrijhaid”
Moak n end aan dizze grap.
Regeern mot doun wat t volk wil
en echt nait aandersom.
t Is nait meer zo as vrouger.
t Volk is nait meer dom.
